Onambango.

August 29, 2013, 10:13 am


 Onambango.

Onambango oya lukilwa edhiya Onambango. Ota hokololwa mwa li Makili ga Kambonde ka Mpingana, ta landulwa ku Matias ga Stefanus, ye a lundulwe ku Kuku Hileni Elifas momuvo 1952. Kuku Hileni  okwa landulwa koyana Andreas ya Josef na Nambahu dha Josef opo ihe ta landulwa Tate David Usholo wa Silvanus. Onambango oya tseyika nawa omukunda hagu lelwa kAakwaniilwa, noyendji yomakwaanilwa oya  kala noku gu talela po. Omuna omagumbo geli ethele nasha.
Tate David Usholo wa Silvanus okwa valelwa mOkaloko meti 8 Aguste 1930 ku Meme Marta Abiatar na Tate Silvanus Amunyela, okwa putukile maandja Ekaku mOkaloko omusamane gwOmupagani ena aakulukadhi yatano. Osikola yongula okwe yi hiti pOlukonda. Okuza pOlukonda okwa yi kiimuna kohambo, sigo a adha okuzala okaholo. Okwa ka longa koofaalama dhaKahandja, okwa longo ishewe mOvenduka mOshilahite, noshowo mombeka. Okwa hugunine ta longo mositola mOndjondjo Wholesaler ositola ya SWANLA. Okwa li a hokana nakusa meme Wilhemina Andreas noya pewelwe omagano gaanona yane.