Ongenga

August 29, 2013, 9:49 am


Ongenga
Ongenga oya kokolwa po kOmusamane Endjala lyaShikomba a zile kUukwambi. Okwa landulwa ku Benjamin Andjendja yIipumbu ya Shilongo ngoka a landulwa komusamane Moses Johannes. Ongenga oshali ehala lyuulithilo, nonena otamu adhikwa omagumbo geli 53 nuundunda uheyali.
Omusamane Moses Johannes okwa valwa mongenga ku meme Selma Iipumbu ya Shilongo, nomusamane Johannes Pinehas. Okwa longo ko Tsumeb na okwa okwa hokana meme Selma Andreas noyena omagano gaanona ya heyali.
Epandulo
Epandulo omukunda gwa kokolwa po komusamane Amukaha gwa Kahima a zile pOkapya lwopomivo dho 1948, okwe gu luku epandulo ta pandula omukwaniilwa Sheepo sho emu tendele nawa. Tate Amukaha okwa landulwa komwana Lotto Kahima ngoka eguna sigo onena, mEpandulo otamu adhika omadhiya haga kwata omeya olule, omuna omagumbo ge li 23 nuundunda 6.
Omusamane Lotto Kahima okwa valelwa mOlungalunga mesiku eti 22 February 1956. Aavali ye  oTate Amukaha gwa Kahima na Meme Toini Mbango. Osikola yongula okwe yi hiti pEheke metonatelo lyaangi yo Petrus Shali, Tusnelde Ihuhwa, notate Salomo Ihuhwa.momuvo 1975 okwa ka longa kOvenduka ko Safari Hotel okwa longo ishewe ko Walvis Bay noshowo ko Luderitz hoka eli sigo onena.okwa lala omukunda momuvo 1984. Okwa hokana meme Frieda Kahima noyena  aanona ya hamano.