Osholuyu.

August 29, 2013, 9:02 am


Osholuyu.

Osholuyu omukunda gu li moshitopolwa shUukwiyuwuushona, ogwa li gwa totwa po komusamane Akungoongola kwaAngaga, muuyun wa Sheepo sha Namene. Ina ku tseyika nawa kutya omaolwashike gwa lukwa ngeyika. Konima ya Akungoongola okwa landula omutekulu David ya Natanael ye a landulwe ne ku Tate Martin Ismael ngoka eli mo sigo onena. Mosholuyu omuna omagumbo geli 34, na kamuna nando okandingosho nando kamwe, Aasholuyu ihaya nu.

Tate Martin Ismael okwa valelwa momukunda Omakango mesiku sho lya li 24 January 1935, ku meme Helena Ngula ya Nakagumbo, osikola yongula okwe yi hiti pEtambo pu Tate Konstantin Niilungu, nopo ihe a ka tsikila kOshitayi. Okwa putuka ta yi kohambo ye ta menekele mOnamungundo mUuwa wa Kuku Mutaleni gwaMpingana pamwe noo Nandjule ya Kalume, Jona Iluusa, naawagona yooTate Shuumbwa Elifas noo Tate Martin, Andreas, Nambahu noo Kuku Manene ga Josef mboka ya tembuka nayo ye a ka ninge omulelwa gwa Kuku Hileni Elifas mOnambango. Okwa ka longa koofalama kOutjo, onga omulithi gwoonzi. Opo ihe a yi ko Swakopmund. Nokuza momuvo 1957 sigo 1995 okwa longo kOlange. Omukunda okwe gu lala momuvo 1992, okwa hokana meme Aina Ismael noyena aanona omulongo nayaali.