Ompunda

August 29, 2013, 8:56 am


Ompunda

Ompunda omukunda guli megongalo Oshitayi. Omukunda ogwa totelwe po komusamane Iipinge ya Shikuni. Ompunda oha ku hokololwa ando yali komuluya ha pulwa taku ti, “iinima yoye sho ihaayi gandjwa oya kala mompunda ano?” omwa kala omukwiyu hagu ithana ‘Osheya sha Shata’ mwa li hamu yungwa oontanda kaatiligane mboka kwali haya ka lwitha ohamba Mandume ga Ndemufayo. Go oguli pooha dhepola enene lyondjila y ash Shata lya thinda kUukwanyama taku popiwa kutya na Itamalo omo kwali ha ende mo ishewe omo kwali hamu tsakanene aantu yu uka kOkaholo. Monene omukunda Ompunda oguna omagumbo geli 84 nuundunda wu li 22.
Tate Karel Kandenge Mvula okwa valelwa mOmukunda Ompunda  mo 18 Novomba 1951 ku meme Aina yaAndreas yaAmunyanyo na Tate Michael ya Mvula ya Nangolo dhAmutenya. Osikola yongula okwe yi hiti pOshitayi sigo ondondo ontintano, okwa ka longa kOlange okuza momuvo 1971 sigo 1985, okwa ziko teya okupatulula Ondunda hayi ithanwa Ompunda Shebeen, momuvo 1990 okwa ka longa no Navachab Mine hoka a longo sigo omuvo 2003. Okuli nena omunashipundi gwoshipundi sha Mpunda moka muna omikunda 16. okwa hokana Meme Elisa Mvula noyena aanona omulongo.