Ashaandjela.

August 29, 2013, 8:54 am


Ashaandjela.

Ashaandjela omukunda guli mOlulongo, ogwa li gwa kokolwa po komusamane Thomas Kashima a zile pOkapya muuyuni wOmukwaniilwa Sheepo sha Namene.  Ashaandjela okwa kala nondombe hayi udha omeya, noondhila okwali hadhi ontele omutenya koontuni dhondombe ndjoka. Thomas Kashima okwa landulwa ku Paulus Kashima ngoka eli mo sigo onena. Omukunda gwAshaandjela oguna omagumbo geli omilongo mbali.
Tate Paulus Kashima okwa valelwa mOkapya muuyuni wOmukwaniilwa Martin Kadhikwa, ku Meme Emilia lyAshivudhi nomusamane Kashima kAmukaha, okwa tameke osikola pOkapya, noku shashelwa moshitayi. Okwa longo tango moofaalama dha Karibib, na ishewe okwa longo ko Luderitz noshowo moomina dha Johannesburg okuza momuvo 1946, okwa tsikile ishewe mOlange momuvo 1969,nokuza nkoka okweya a longe moshikondo shoondjila noye gumwe gwomwaamboka ya longo opate onene yo B1 mowambo. Okwa hokana meme Anna Inukwa yAshivudhi noyena aanona omulongo naya hetatu.