Oneshoko.

August 29, 2013, 8:38 am


Oneshoko.

Oneshoko omukunda tagu adhika megongalo lya Shitayi, ogwa lukilwa omugongo gwa mena pamwe nomulunga ngoka gwa thikama sigo onena. Omukunda nguka ogwa li gwa Michael Nambundje ta landulwa ku Niigambo yAmutenya, Sakaria Naanda okuza 1945 sigo 1985, opo ihe landulwa ku Fillemon Naanda. mOneshoko omuna ondama onene yaLonga ndjoka ya fulilwe niikaha momivo dho 1930 yi kuthe po enota lyaantu nolyiimuna yo aahupi taya pewa iilya.  mOneshoko omuna omagumbo omilongo 40, nUundunda womalandithilo
Tate Fillemon Shatiwa Naanda okwa valelwa mOneshoko, ku Meme Selma Gabriel na Tate Sakaria Naanda. Osikola yongula okweyi hiti pOshitayi, mewiliko lyooTate gwe Sakaria Naanda, ooMeme Carolina Tobias, nooSalom Ihuhwa. Okwa ka tsikila kOnayena opo nawa aye kUulongi kOngwediva. Okwa longo onga Omulongisikola pOshitayi okuza momuvo 1969 nokwa yi moshipundi shevululuko onga Omukuluntusikola posikola oyo tuu ndjoka momuvo 2005. Monena okuli Amushanga gwelelo lyoshikandjo sha Ndangwa, noshowo omuuvithi megongalo lyaShitayi. Okwa hokana Meme Ester Ligola Naanda noyena omagano gaanona  omugoyi.